BAKIDA ÜMUMMİLLİ LİDER HEYDƏR ƏLİYEVİN XATİRƏSİNƏ HƏSR OLUNMUŞ BEYNƏLXALQ BOKS TURNİRİ BAŞLANMIŞDIR
AZƏRTAC xəbər verir ki, mayın 8-də Bakı İdman Sarayında yeniyetmələr arasında ümummilli lider Heydər Əliyevin xatirəsinə həsr olunmuş beşinci beynəlxalq boks turniri start götürmüşdür.
Yarışda Azərbaycan idmançıları ilə yanaşı ABŞ, Böyük Britaniya, Qazaxıstan, Rusiya, İsrail, İrlandiya, Hindistan və Türkmənistandan 120-dən çox boksçu mübarizə aparır.
Şuşanın işğalında şəhid olmuş Vətən oğullarının xatirəsi bir dəqiqəlik sükutla yad edildikdən sonra yarışlar başlanmışdır.
Turnirin ilk günü 26 döyüş keçirilmişdir. Azərbaycan idmançıları Fərid Mansurov (52 kq), Pərvin Mədətzadə (54 kq), Elnur Əliyev (57 kq), Vüsal Tağıyev (57 kq), Emil Əhmədov, Yolçu Zeynalov (hər ikisi 63 kq) keçirdikləri görüşləri qələbə ilə başa vurmuşlar.
Yarışda Azərbaycan 3 komandanın heyətində 42 idmançı ilə təmsil olunur. Mayın 11-də yarımfinal, bir gün sonra isə final qarşılaşmaları keçiriləcəkdir.
Bölmənin digər xəbərləri
