“Baku Fire” komandası ilk dəfə Azərbaycan kuboku yarışlarının qalibi olub
Bakı 24 may, AZƏRTAC
Bu gün ölkəmizdə futzal üzrə 2022-2023-cü il mövsümünə yekun vurulub. Azərbaycan kubokunun sahibini müəyyənləşdirən matçda Yüksək Liqanın gümüş və bürünc medalçıları - “Neftçi” və “Baku Fire” qarşılaşıblar.
Bu barədə AZƏRTAC-a Azərbaycan Futzal Federasiyasından məlumat verilib.
“Neftçi” həm də Azərbaycan kubokunun ötənilki sahibidir. Birinci hissənin ilk 10 dəqiqəsi daha çox qarşılıqlı hücumlarla yadda qalıb. Hesab isə 12-ci dəqiqədə açılıb. “Baku Fire” komandasının oyunçusu Oruc Baxşəlizadə fərqlənib. Bundan sonra nominal qonaqlar ardıcıl qollar vurmaqla fasiləyə 4 top üstünlüklə yollanmağı bacarıblar.
İkinci hissəni “Neftçi” daha çox qapıçını meydan oyunçusu ilə əvəz etməklə keçirsə də, hesabda geridönüş edə bilməyib. Son dəqiqədə isə iki 10 metrlik cərimə zərbəsindən yararlana bilməyib. Əksinə, “Baku Fire” fərqi artırıb və qələbəsini təmin edib - 5:0.
Qələbə qazanan “Baku Fire” ilk dəfə Azərbaycan kuboku yarışlarının qalibi olub.
Bölmənin digər xəbərləri
