BALAKƏNDƏ BİR AYDA İSTİFADƏ OLUNAN TƏBİİ QAZIN DƏYƏRİ 102,8 FAİZ ÖDƏNİLMİŞDİR
Balakən Rayon İcra Hakimiyyətindən AZƏRTAC-ın müxbirinə bildirmişlər ki, may ayında rayona 32 min 281 manatlıq təbii qaz verilmişdir. Ay ərzində istifadə edilən təbii qazın dəyərinin ödəniş səviyyəsi isə 102,8 faiz təşkil etmişdir. O cümlədən, əhali tərəfindən sərf edilən təbii qazın dəyərinin ödəniş səviyyəsi əvvəlki aylarla müqayisədə artaraq, 91 faizə çatmışdır.
Hazırda Balakəndə qazdan istifadə edən 1653 abonent vardır. Dövlət başçısının müvafiq tapşırıq və tövsiyələrinə uyğun olaraq, mənzillərdə qaz sayğaclarının quraşdırılmasına diqqət xeyli artırılmışdır. İndiyədək 474 mənzildə qaz sayğacı quraşdırılmışdır. Sayğacların quraşdırılması ödənişlərə müsbət təsir göstərir.
Bölmənin digər xəbərləri
