Balkan ölkələrində Türkiyədəki prezident seçkiləri ilə bağlı səsvermə prosesi başlayıb
Sarayevo, 21 may, AZƏRTAC
Balkan regionu ölkələrində mayın 28-də Türkiyədə keçiriləcək prezident seçkilərinin ikinci turu üçün səsvermə başlayıb.
AZƏRTAC xəbər verir ki, Bosniya və Herseqovina, Serbiya, Monteneqro, Şimali Makedoniyada, Albaniya və Kosovoda yaşayan Türkiyə vətəndaşları mayın 22-dək səs verə biləcəklər. Səsvermə prosesi başa çatdıqdan sonra səslər Yüksək Seçim Qurumunun müəyyən etdiyi qaydalara uyğun diplomatik kuryerlər vasitəsilə Türkiyəyə göndəriləcək.
Qeyd edək ki, Bosniya və Herseqovinada 2946, Serbiyada 2311, Monteneqroda 1704, Şimali Makedoniyada 4107, Albaniyada 1416 və Kosovoda isə 2192 Türkiyə vətəndaşı səsvermə hüququna malikdir.
Nihad Budaqov
AZƏRTAC-ın xüsusi müxbiri
Sarayevo
Bölmənin digər xəbərləri
