BALTİK AZƏRBAYCANLILARI KONQRESİ YARADILMIŞDIR

28.03.2006 [16:49]
Çap et
A⁺ A^-

Litva Azərbaycanlıları Cəmiyyətinin sədri Mahir Həmzəyev AZƏRTAC-ın müxbiri ilə söhbətində demişdir ki, Azərbaycanla Latviya, Litva və Estoniya arasında əlaqələrin inkişafı üçün mühüm addımlar atılır. Bu ölkələrdə fəaliyyət göstərən Azərbaycan diaspor təşkilatlarının təşəbbüsü ilə Riqada Baltik Azərbaycanlıları Konqresi təsis edilmişdir. Konqresin məqsədi Azərbaycanın xarici siyasətinin Latviyanın, Litvanın və Estoniyanın Avropa strukturlarında və digər beynəlxalq təşkilatlardakı nümayəndələrinin vasitəsilə dəstəkləməsinə nail olmaqdır.

Konqres, həmçinin bu ölkələrdə dünyaya gəlmiş azərbaycanlıların - yeni nəslin doğma Azərbaycanla əlaqələrini genişləndirmək, dilimiz, dinimiz və milli adət-ənənələrimiz barədə onlara ətraflı məlumat vermək, onları milli ruhda tərbiyə etmək üçün xüsusi proqramlar hazırlayacaqdır.

M.Həmzəyev demişdir ki, dünya azərbaycanlılarının II qurultayından sonra bizdə bu işə xüsusi həvəs yaranmışdır. Birinci qurultaydan sonra görülmüş işlər, xüsusən Azərbaycan Prezidentinin dediyi sözlərin əməli işdə öz təsdiqini tapması bizi daha da ruhlandırır. İnanıram ki, qarşıya qoyduğumuz məqsədə nail olacaq və doğma Vətənimizin problemlərinin həllinə, lobbiçiliyin inkişafına öz töhfəmizi verə biləcəyik.

BALTİK AZƏRBAYCANLILARI KONQRESİ YARADILMIŞDIR

MÜƏLLİFLƏ ƏLAQƏ

Bölmənin digər xəbərləri