“BANK OF BAKU” AVROPA YENİDƏNQURMA VƏ İNKİŞAF BANKI İLƏ KREDİT MÜQAVİLƏSİ İMZALAMIŞDIR

29.05.2006 [03:11]
Çap et
A⁺ A^-

AZƏRTAC xəbər verir ki, Londonda “Bank of Baku” və Avropa Yenidənqurma və İnkişaf Banki (AYİB) arasında növbəti kredit müqaviləsi imzalanmışdır.

Sənədə görə, “Bank of Baku” ümumi məbləği 5,5 milyon dollar məbləğində kredit alacaqdır. Müqavilə 4 il müddətinə bağlanmışdır. Kreditin 2 milyon dolları mikro müəssisələrin, 2,5 milyonu kiçik və orta sahibkarlığın, yerdə qalan 1 milyonu isə ticarətin maliyyələşdirilməsinə yönəldiləcəkdir.

“Bank of Baku” AYİB-lə 2004-cü ildən əməkdaşlıq edir və indiyədək bu qurumdan 8,5 milyon dollar kredit xətti almışdır.

Bank iri korporativ müştəriləri maliyyələşdirmək üçün yaxın gələcəkdə AYİB-lə 5 milyon dollar həcmində kredit müqaviləsi bağlamağı planlaşdırır.