“BANK RESPUBLİKA” “DİSNEYLEND SƏYAHƏTİ” UDUŞ KAMPANİYASI KEÇİRİR
AZƏRTAC xəbər verir ki, “Bank Respublika”nın “İlk Kart” plastik kart istifadəçiləri “Disneylend Səyahəti” uduş kampaniyasında iştirak edəcəklər. Kampaniyanın əsas mükafatı 4 günə 3 nəfərlik Parisdə yerləşən Disneylendə səyahətdir. Kampaniyanın əlavə mükafatı 5 musiqi pleyeridir.
İyulun 1-dən dekabrın 1-dək “İlk Kart” plastik kartları ilə ən azı 20 manat və ya ABŞ dolları məbləğində aparılan hər əməliyyat 1 şans kimi qeyd olunur. Kampaniyanın qalibləri dekabrın 22-də keçiriləcək lotereya oyununun nəticəsində müəyyən olunacaqlar.
“İlk Kart” 7-17 yaşlı yeniyetmələr üçün ilk plastik kartdır. Ailə üzvləri üçün (oğul, qız, qardaş, bacı) sifariş olunduqda “İlk Kart” pulsuz və illik xidmət haqqı olmadan verilir. “İlk Kart”, həmçinin digər hallarda hesab üzrə buraxılan birinci əlavə kart olduqda da pulsuz verilir.
“İlk Kart” VISA Electron kartının əsasında buraxılmış və 200-dək ölkənin ərazisində bankomatlardan nağd pul çıxarılması, mal və xidmətlərin ticarət-xidmət müəssisələrində nağdsız ödənişi, həmçinin internet şəbəkəsində elektron ödənişlər üçün istifadə oluna bilər.
Yetkinlik yaşına çatmamış şəxs üçün “İlk Kart” onun valideyni və ya yetkinlik yaşına çatmış digər şəxs tərəfindən sifariş edilə bilər. “İlk Kart” yetkinlik yaşına çatmış şəxsin (sifarişçinin) bank hesabına əlavə kart kimi buraxılır və “İlk Kart” ilə aparılan bütün əməliyyatlar sifarişçinin bank hesabı üzrə həyata keçirilir. Sifarişçi əməliyyatların həcmini məhdudlaşdırmaq üçün “İlk Kart” ilə əməliyyatların məbləğinə gündəlik, həftəlik və ya aylıq limit təyin edə bilər.
