“BANK STANDARD”İN REKLAM AKSİYASI YEKUNLAŞIR
Bankın müştəri xidmətləri departamentindən AZƏRTAC-a bildirmişlər ki, reklam kampaniyası başlanandan yeni depozit sahiblərinin sayı artmış, depozit həcmi isə 6 milyon dolları keçmişdir. Bu günə reklam kampaniyasının 900-ə yaxın iştirakçısı vardır.
Uduşda Bakı şəhərində ikiotaqlı mənzil, “BMW” markalı avtomobil və Avropanın istənilən ölkəsinə səyahət oynanılır. Bu kampaniyada yalnız “Standart depoziti”nin sahibləri iştirak edirlər. Oyunun şəffaflığını təmin etmək üçün xüsusi tiraj komissiyası yaradılacaq, onun tərkibinə Qiymətli Kağızlar üzrə Dövlət Komitəsindən, bankın auditorları, müştərilərin sırasından və KİV-dən nümayəndələr dəvət olunacaqdır.
Nəticələr bankın internet səhifəsində yerləşdiriləcək, mətbuatda dərc olunacaqdır.
Bölmənin digər xəbərləri
