“BARCAMP AZERBAİJAN-2008” KONFRANSI BAŞA ÇATMIŞDIR
AZƏRTAC xəbər verir ki, avqustun 29-dan 31-dək Lənkəranda “BarСamp Azerbaijan-2008” konfransı keçirilmişdir.
Konfransın əsas məqsədi Azərbaycanda yeni internet və media layihələrinin inkişafını stimullaşdırmaq, gənc, eləcə də təcrübəli informasiya texnoloqları, müasir media mütəxəssisləri arasında təcrübə mübadiləsi aparmaq, son internet texnologiyalarının tətbiqinə təkan vermək, bu sahədəki problemlərin, inkişaf perspektivlərinin müzakirəsini təşkil etməkdir.
Konfransın açılış mərasimində Rabitə və İnformasiya Texnologiyaları Nazirliyinin şöbə müdiri Rüfət Gülməmmədov, Azərbaycan İnternet Forumunun prezidenti Osman Gündüz və başqaları çıxış etmişlər.
Gənclər və İdman Nazirliyi, Azərbaycan İnternet Forumu, QHT-lər, dövlət strukturları və özəl şirkətlərin dəstəyi ilə təşkil olunmuş və 130 nəfərin iştirak etdiyi konfransda informasiya texnologiyaları və müasir media sahələrinə dair məruzələr dinlənilmişdir.
