Baş direktor: Ekspert kimi çıxış etmək üçün məhkəmə psixiatrının təcrübəsi olmalıdır
Bakı, 22 may, AZƏRTAC
Azərbaycan Tibb Universitetinin Psixiatriya kafedrasının 100 illiyinə həsr olunmuş bugünkü konfransda ölkəmizdə məhkəmə psixiatriya sahəsində aktual problemlərin həllinə yönəlmiş çıxış və məruzələr təşkil olunub. Ulu Öndər Heydər Əliyevin sözləri ilə desək, cəmiyyət iki halda sarsıla bilir: bir günahsız cəza alanda, bir də cinayətkar cəzasız qalanda.
Bu fikirləri jurnalistlərə açıqlamasında "Məhkəmə Psixiatrik Ekspertiza Mərkəzi" publik hüquqi şəxsin baş direktoru Tural Rzayev deyib.
"Məhkəmə psixiatriya sahəsi hüquq və tibb elmlərinin kəsişməsində dayanır. Bu, cəmiyyətin təhlükəsizliyinin, eyni zamanda, insan hüquqlarının qorunmasında mühüm rol oynayan fəaliyyət sahəsidir. Bu baxımdan konfransda hüquq-mühafizə orqanlarının əməkdaşları da daxil olmaqla, yerli və xarici alimlərin iştirakı ilə bu sahədə qarşıda duran problemlərin həllinə yönəlmiş məsələlərin müzakirəsi nəzərdə tutulub", - deyə T.Rzayev bildirib.
Baş direktorun sözlərinə görə, məhkəmə psixiatrlarının hadisəni düzgün qiymətləndirməsi üçün onların ekspert bacarıqları olmalıdır: "Psixiatrın ekspert kimi çıxış etməsi üçün onun müəyyən qədər praktiki və elmi təcrübəsi olmalıdır. Qanunvericiliyin tələblərinə görə hər bir psixiatr məhkəmə eksperti kimi iştirak edə bilməz. Bunun üçün müəyyən akkreditasiyadan keçməli və xüsusi şəhadətnamə alınmalıdır".
Bölmənin digər xəbərləri
