BDU-NUN ALİMLƏRİ PREZİDENT SƏRƏNCAMINI MİNNƏTDARLIQLA QARŞILAMIŞLAR
AZƏRTAC-ın müxbiri xəbər verir ki, BDU-nun rektoru, AMEA-nın müxbir üzvü Abel Məhərrəmov çıxış edərək, Prezident İlham Əliyevin “Alimlik dərəcələrinə görə vəzifə maaşlarına əlavələrin artırılması haqqında” imzaladığı Sərəncamın kollektivdə dərin minnətdarlıqla qarşılandığını bildirmiş və bunu alimlərə göstərilən dövlət qayğısının daha bir təzahürü kimi qiymətləndirmişdir.
Tarix fakültəsinin dekanı, Milli Məclisin deputatı, professor Yaqub Mahmudov, akademik Fuad Qasımzadə, professor Cəlil Nağıyev və digər natiqlər elm və təhsilimizin inkişafında ümummilli liderimiz Heydər Əliyevin əvəzsiz xidmətlərindən danışmış və alimlərə göstərilən dövlət qayğısının elmin inkişafına təkan verəcəyini bildirmişlər.
Yığıncaqda Azərbaycan Prezidenti İlham Əliyevə müraciət qəbul olunmuşdur.
Bölmənin digər xəbərləri
