BDU-nun Biologiya fakültəsində növbəti elmi seminar
Bakı, 28 aprel, AZƏRTAC
Bakı Dövlət Universitetinin (BDU) Biologiya fakültəsinin Biomühəndislik elmi-tədqiqat laboratoriyasında “Qida məhsullarında polifenolların və antioksidant fəallığın təyini üçün biosensor” mövzusunda onlayn elmi seminar keçirilib.
BDU-dan AZƏRTAC-a bildirilib ki, məruzəçi, Biomühəndislik elmi-tədqiqat laboratoriyasının aparıcı elmi işçisi, biologiya elmləri namizədi Rüfət Ağalarov meyvə şirələri və şərablardakı polifenolların və onların antioksidant aktivliyinin ekspres təyini üçün biosensorların istehsal variantları haqqında məlumat verib.
Sonda mövzu ilə bağlı müzakirə aparılıb, iştirakçıların sualları cavablandırılıb. Seminarda Biologiya fakültəsinin professor-müəllim heyəti, doktorant və magistrantları iştirak edib.
Bölmənin digər xəbərləri
