Belçika-Azərbaycan oyunu azarkeşlər üçün qapalı olacaq
Bakı, 16 yanvar, AZƏRTAC
Azərbaycan millisi futzal üzrə Avropa çempionatının final mərhələsinə hazırlıq məqsədilə yanvarın 17-də səfərdə Belçika yığması ilə yoldaşlıq oyunu keçirəcək.
AZƏRTAC xəbər verir ki, pandemiya ilə əlaqədar olaraq, oyun azarkeşlər üçün qapalı olacaq.
Qeyd edək ki, yanvarın 19-dan fevralın 6-dək Niderlandda keçiriləcək Avropa çempionatının final mərhələsində Azərbaycan millisi D qrupunda mübarizə aparacaq. Yığmamız yanvarın 22-də Gürcüstan, dörd gün sonra İspaniya, ayın 29-da isə Bosniya və Herseqovina ilə qarşılaşacaq.
Bölmənin digər xəbərləri
