BƏLƏDİYYƏ SEÇKİLƏRİNƏ HAZIRLIQLA BAĞLI SEMİNAR KEÇİRİLMİŞDİR
Seminarda dövlət və hökumət numayəndələri, Milli Məclisin deputatları, Bakı, Sumqayıt və Abşeron bələdiyyələrinin işçiləri və ölkəmizdəki diplomatik korpusun əməkdaşları iştirak etmişlər.
Yasamal bələdiyyəsinin sədri İlqar Əliyev və Avrasiya Fondunun Azərbaycan üzrə direktoru Timoti Heyz semnarın mahiyyəti barədə məlumat vermişlər.
Deputat Siyavuş Novruzov bələdiyyə seçkilərinə hazırlıqla bağlı məruzə etmişdir. Bələdiyyə seçkilərinə hazırlıq kampaniyasında beynəlxalq təcrübədən istifadə etməyin vacibliyini bildirən natiq demişdir ki, namizədlər seçicilərə nüfuz etmək üçün ilk növbədə əhalinin və seçicilərin sayını öyrənməli, onların sosial vəziyyətini və mövqelərini bilməlidir. Onun sözlərinə görə, seçkilərdə qalib gəlmək istəyən namizəd, əsasən, bitərəf seçiciləri öz tərəfinə çəkmək haqqında düşünməli və bunun yollarını axtarmalıdır.
Seminar iştirakçılarının sualları cavablandırılmış və axırda onlara sertifikatlar verilmişdir.
Bölmənin digər xəbərləri
