“Belt and Road 2019”: Arkadi Naydiç dördüncü turda qələbə qazanıb
Bakı, 1 avqust, AZƏRTAC
Çində “Belt and Road 2019” şahmat festivalının dördüncü turuna yekun vurulub.
AZƏRTAC xəbər verir ki, Azərbaycan təmsilçisi Arkadi Naydiç dördüncü turda çinli Xu Zihangı məğlub edib. İdmançımız beşinci turda indoneziyalı Susanto Megaranto ilə üz-üzə gələcək. Şahmatçımız dörd turdan sonra 2,5 xal toplayaraq 22-ci sırada qərarlaşıb. Turnir cədvəlinin lideri 3,5 xalla gürcüstanlı İvan Çeparinovdur.
İsveçrə sistemi üzrə keçirilən festival 9 turdan ibarətdir.
Bölmənin digər xəbərləri
