BEN LADENİN GİZLİ SIĞINACAĞI TURİSTLƏR ÜÇÜN KURORTA ÇEVRİLƏCƏKDİR

02.11.2006 [20:59]
Çap et
A⁺ A^-

AZƏRTAC xarici KİV-lərə istinadla xəbər verir ki, Üsəma ben Ladenin gizli sığınacağı tezliklə böyük turizm kurortuna çevriləcəkdir. Məşhur Tora-Bora mağarasının yerləşdiyi 4 min metr hündürlükdəki dağ zirvəsində mehmanxanalar və restoranlar tikiləcəkdir. Bu layihə üçün təxminən 10 milyon dollar ayrılmışdır.

Tora-Bora 400 metr dərinliyə gedib çıxan tunellər labirintidir. Burada çoxlu anbar, yaşayış üçün otaq, bunker tikilmişdir. Bu təbii mağaralar şəbəkəsi Əfqanıstanın Cəlalabad şəhərindən 85 kilometr cənubda yerləşir.

1 nömrəli terrorçu ben Laden özünün 2 min silahdaşı ilə birlikdə 2001-ci ildən Tora-Borada gizlənirdi. İndi “Əl-Qaidə” liderinin bu yerləri tərk etdiyi və buraların nisbətən təhlükəsiz yerə çevrildiyi güman olunur.

Regionun qubernatoru, keçmiş sərkərdə Gülağa Şirazinin sözlərinə görə, bura tamamilə təhlükəsiz kurort olacaqdır. Ancaq belə nikbinliyə hələlik əsas yoxdur. Oktyabrda Tora-Borada iki Qərb jurnalisti qətlə yetirilmişdir.

BEN LADENİN GİZLİ SIĞINACAĞI TURİSTLƏR ÜÇÜN KURORTA ÇEVRİLƏCƏKDİR

MÜƏLLİFLƏ ƏLAQƏ

Bölmənin digər xəbərləri