BERLİNDƏ AVROPA AZƏRBAYCANLILARI KONQRESİ YARADILACAQ
Xarici Ölkələrdə Yaşayan Azərbaycanlılarla İş üzrə Dövlət Komitəsinin mətbuat xidmətindən AZƏRTAC-a bildirmişlər ki, bu addımı atmaqdan məqsəd Avropa ölkələrində məskunlaşan soydaşlarımızın tarixi Vətənləri ilə əlaqələrini daha da möhkəmləndirmək, dunya azərbaycanlıları arasında mənəvi, siyasi birliyi və həmrəyliyi təmin etmək, Azərbaycan icma və birliklərinin regionda fəaliyyətlərini əlaqələndirməkdir.
Fransa, Avstriya, Almaniya, Çexiya, İsveçrə, Norveç, İsveç, Böyük Britaniya, Polşa, Danimarka, Belarus, Moldova, Ukrayna, Bolqarıstan, Finlandiya, Türkiyə, Rusiya, İspaniya, Rumıniya və Baltikyanı ölkələrdəki diaspor təskilatlarının iştirakı ilə yaradılacaq konqresin təsis konfransında ABŞ, Özbəkistan, Qazaxıstan və Qırğızıstanda fəaliyyət göstərən cəmiyyətlərin rəhbərləri də istirak edəcəklər. Tədbirin birinci hissəsində ölkəmizin müasir reallıqları ilə bağlı məruzələr dinləniləcək, ikinci hissə isə Azərbaycan diasporunun inkisaf perspektivlərinə həsr ediləcəkdir.
Mənzil qərargahı və əlaqələndirici katibliyi Berlində yerləşəcək Konqres Almaniya Federativ Respublikasında qeydiyyatdan keçəcəkdir.
Bölmənin digər xəbərləri
