Beynəlxalq konfransda ölkəmizdə fiberoptik internet üzrə görülən işlərlə bağlı məlumat veriləcək
Bakı, 15 may, AZƏRTAC
İnformasiya texnologiyalarının tətbiqinin genişləndirilməsi, telekommunikasiya xidmətlərinə tələbatın müasir dövrün tələblərinə uyğun şəkildə təmin edilməsi məqsədilə müxtəlif genişmiqyaslı layihələr həyata keçirən “Aztelekom” MMC ölkədə ilk dəfə keçirilən “GSMA M360 Eurasia 2023” beynəlxalq konfransında iştirak edir.
“Aztelekom” MMC-dən AZƏRTAC-a bildirilib ki, qurumun baş direktor vəzifəsini icra edən Elçin Niyazov mayın 16-da Azərbaycanda fiber-optik internet üzrə görülən işlərlə bağlı təqdimatla çıxış edəcək. Şirkətin həyata keçirdiyi müxtəlif layihələr, o cümlədən “Onlayn Azərbaycan” layihəsi çərçivəsində Azərbaycanda telekommunikasiya infrastrukturunun yenilənməsi və müasir beynəlxalq standartlara uyğunlaşdırılması istiqamətində həyata keçirilən işlərlə bağlı ətraflı məlumat verəcək.
Bölmənin digər xəbərləri
