BEYNƏLXALQ MÜSABİQƏDƏ AZƏRBAYCAN MUSİQİÇİLƏRİ BİRİNCİ YERİ TUTMUŞLAR
AZƏRTAC xəbər verir ki, oktyabrın 22-dən 27-dək Polşada Vitold Lyutoslavski adına IV Beynəlxalq musiqi müsabiqəsi keçirilmişdir. Müsabiqədə Azərbaycan, Almaniya, İtaliya, Amerika, Çin, Rusiya, Latviya, Litva, Ukrayna, Belarus musiqiçiləri iştirak etmişlər.
Müsabiqədə münsiflər heyətinin qərarına əsasən birinci yerə Azərbaycan, ikinci yerə Polşa, üçüncü yerə Litva təmsilçiləri layiq görülmüşlər.
Polşa hökuməti nümayəndələrinin iştirakı ilə keçirilən yekun mərasimində müsabiqənin qalibləri iki il Polşanın və Avropanın orkestrləri ilə çıxış etmək üçün dəvət almışlar.
Bölmənin digər xəbərləri
