Beynəlxalq Su İdman Növləri Federasiyasının mənzil-qərargahı İsveçrədən Macarıstana köçürüləcək
Bakı, 27 may, AZƏRTAC
Beynəlxalq Su İdman Növləri Federasiyasının (“World Aquatics”) mənzil-qərargahı İsveçrədən Macarıstana köçürüləcək.
AZƏRTAC xəbər verir ki, “World Aquatics”in rəhbərliyi bu barədə Macarıstanın Baş naziri Viktor Orbanla müqavilə də imzalayıb. Qurum bundan sonra fəaliyyətini Budapeştdə davam etdirəcək.
Macarıstanın paytaxtı 2017-ci və 2022-ci illərdə su idman növləri üzrə dünya çempionatına ev sahibliyi edib. Dünya çempionatı 2027-ci ildə də Budapeştdə keçiriləcək.
Beynəlxalq Cüdo və Beynəlxalq Ağır Atletika federasiyalarının da mənzil-qərargahları Budapeştdə yerləşir.
“World Aquatics” 1908-ci ildə Londonda təsis edilib və qurumun mənzil-qərargahı 1986-cı ildə Lozannaya köçürülüb.
Bölmənin digər xəbərləri
