Beynəlxalq Türk Akademiyasının növbəti iclasının gündəliyi hazırlanıb
Bakı, 26 yanvar, AZƏRTAC
Beynəlxalq Türk Akademiyasının prezidenti Şahin Mustafayev Qazaxıstanın elm və ali təhsil naziri Sayasat Nurbeklə görüşüb.
Akademiyadan AZƏRTAC-a bildiriblər ki, görüş zamanı tərəflər türk dünyasının elm sahəsində əməkdaşlıq məsələlərini müzakirə ediblər. Bildirilib ki, Beynəlxalq Türk Akademiyasının bu ilin martında Bişkekdə keçiriləcək növbəti iclasının gündəliyi işlənib hazırlanıb.
Ş.Mustafayev qardaş ölkələrin elmi təşkilatları arasında tərəfdaşlıq əlaqələrinin məhkəmləndirilməsinin vacibliyini vurğulayıb, Türk Dünyası Milli Elmlər Akademiyaları İttifaqının böyük potensialını qeyd edib. O, həmçinin humanitar sahədə birgə layihələrdə Qazaxıstan alimlərinin fəal iştirak edəcəklərinə əminliyini bildirib.
Sayasat Nurbek Beynəlxalq Türk Akademiyasının təşəbbüslərini dəstəklədiyini ifadə edib və quruma işlərində uğurlar arzulayıb.
Görüşün sonunda Akademiyanın rəhbəri təşkilatın türkologiya üzrə nəşr etdirdiyi əsərləri nazirə təqdim edib.
Bölmənin digər xəbərləri
