Beynəlxalq Valyuta Fondunun direktoru Ukraynaya səfər edib
Bakı, 15 yanvar, AZƏRTAC
Cümə axşamı Ukraynaya səfər edən Beynəlxalq Valyuta Fondunun (BVF) direktoru Kristalina Georgiyeva Kiyevdə Prezident Volodimir Zelenski ilə görüşməyi planlaşdırır.
AZƏRTAC xəbər verir ki, “Reuters” agentliyinin mənbələrinə istinadla yaydığı məlumata görə, sonuncu dəfə 2023-cü ildə Kiyevə gələn Kristalina Georgiyevanın budəfəki səfərinin təfərrüatları hələlik açıqlanmayıb. BVF direktoru, həmçinin ölkənin Baş naziri Yuliya Sviridenko və Milli Bankın sədri Andriy Pışnı ilə görüşmək niyyətindədir.
Bir müddət öncə BVF Ukraynanın 179,6 milyon dollar kredit ödənişi borcu olduğunu bildirmişdi. Ukraynanın BVF ilə 15,6 milyard dollarlıq hazırkı “Genişləndirilmiş kredit” proqramı 2023-2027-ci illər üçün nəzərdə tutulub, lakin Kiyev artıq Fonda yeni təşəbbüslə müraciət edib.
Bölmənin digər xəbərləri
