BİLƏSUVAR OLİMPİYA İDMAN KOMPLEKSİNİN TİKİNTİSİ SÜRƏTLƏNİR
AZƏRTAC xəbər verir ki, Biləsuvarda Gənclər və İdman Nazirliyinin sifarişi ilə inşasına üç ay əvvəl başlanmış Olimpiya İdman Kompleksinin (OİK) əsas korpusu ucaldılır. Burada 80 nəfərə yaxın adam çalışır. “İnkişaf” şirkəti obyektdə qısa müddətdə 670 min manatlıq tikinti-quraşdırma işləri görmüşdür. 1000 nəfər tamaşaçı tutacaq əsas korpus bu ilin axırınadək hazır olacaqdır.
Beş hektar sahəni əhatə edən kompleks 60 yerlik üçmərtəbəli mehmanxana, 200 yerlik ikimərtəbəli yeməkxana, üzgüçülük hovuzu, əl oyunları stadionu, 7 kottec, qızdırıcı qazanxana və nasosxanadan, habelə bir sıra digər xidmət binalarından ibarət olacaqdır.
Şirkətdən bildirmişlər ki, iri idman qurğusunun gələn ilin ortalarında istifadəyə verilməsi planlaşdırılır.
Bölmənin digər xəbərləri
