BİLƏSUVARLILAR DAHA SUVARMA SUYUNDAN KORLUQ ÇƏKMİRLƏR
Biləsuvar rayonunda tarlalar mexaniki üsullarla suvarılır. On minlərlə hektar sahədə taxıl, pambıq, bostan-tərəvəz, yem bitkiləri becərən əkinçilər hər il yayda su sarıdan ciddi çətinliklərlə üzləşirdilər. Gah rayona gələn kanallarda su olmur, gah da suvurma stansiyaları müxtəlif səbəblər üzündən uzun fasilələrlə işləyirdi. Bu il vəziyyət yaxşılığa doğru tamamilə dəyişmişdir. İcra hakimiyyətində müxbirimizə bildirmişlər ki, rayondakı “Meloservis” idarəsi Əzizbəyov adına əsas kanalda 10 min kubmetrə qədər torpaq işi görərək,onun suötürmə imkanını artırmış, qidalandırıcı kanallar əsaslı surətdə təmizlənmişdir. Üç əsas qidalandırıcı stansiyada isə yeni, çox güclü nasoslar işə salınmışdır. Bunların sayəsində əkin sahələrinin suvarılması ən yaxşı səviyyəyə çatdırılmış, əlavə olaraq, xeyli təzə suvarılan sahə istifadəyə verilmişdir.
Bölmənin digər xəbərləri
