Binəqədidə istixanada nöqsanlar aşkar edilib
Bakı, 12 iyun, AZƏRTAC
Qida Təhlükəsizliyi Agentliyi (AQTA) istehlakçı hüquqlarının qorunması və qida təhlükəsizliyinin təmin olunması sahəsində tədbirləri davam etdirir.
Agentliyin İnformasiya təminatı və innovativ həllər şöbəsindən AZƏRTAC-a verilən məlumata görə, görülən tədbirlər çərçivəsində Bakının Binəqədi rayonunda Binəqədi şəhərtipli qəsəbəsində Mədən küçəsində fiziki şəxs Səxavət Rüstəm oğlu Mamedova məxsus istixanada yoxlama aparılıb.
Yoxlama zamanı ilkin istehsal müəssisəsində nöqsanlar aşkar edilib. İstixanada normativ sənədlərin tələblərinə əməl olunmadığı, həmçinin işçi heyətin tibbi müayinədən keçmədiyi və onlar üçün soyunub-geyinmə sahəsinin ayrılmadığı müəyyən olunub.
Aşkarlanmış nöqsanlarla bağlı sahibkar barəsində inzibati protokol tərtib edilib və icrası məcburi göstərişlər verilib.
Bölmənin digər xəbərləri
