Bioloq-alimin həmmüəllifi olduğu məqalə beynəlxalq jurnalda dərc olunub
Bakı, 30 dekabr, AZƏRTAC
Botanika İnstitutunun Ali bitkilərin sistematikası və filogeniyası şöbəsinin müdiri, biologiya elmləri doktoru, professor Aydın Əsgərovun həmmüəllif olduğu “Cənubi Qafqazda Utricularia cinsinin müxtəlifliyinə töhfə” adlı məqalə “Scopus” elmi bazasına daxil olan “Botanica” jurnalında işıq üzü görüb.
İnstitutdan AZƏRTAC-a bildirilib ki, məqalədə Utricularia neglecta Lehm. bitki növünün Azərbaycan və Cənubi Qafqaz üçün yeni növ kimi təsdiqlənməsindən bəhs olunub.
Tədqiqat nəticəsində məlum olub ki, Samur–Yalama Milli Parkı yaxınlığından, Xəzər dənizi sahillərindən toplanılmış herbari nüsxələrinin təhlili nəticəsində ilk dəfə olaraq Cənubi Qafqaz üçün yeni növ - Utricularia neglecta Lehm. bitki növü aşkar edilib. Bu, Azərbaycan, Gürcüstan və Ermənistan ərazilərində ilk tapıntıdır.
Bölmənin digər xəbərləri
