DÜNYA
Bir neçə respublikaçı Kiyevə əlavə yardım göstərilməsinə qarşı çıxıb
![Bir neçə respublikaçı Kiyevə əlavə yardım göstərilməsinə qarşı çıxıb](/files/2023/3/1200x630/16978772145226717142_1200x630.jpg)
Bakı, 21 oktyabr, AZƏRTAC
Bir neçə respublikaçı konqresmen və senator Vaşinqton administrasiyasının sorğusu əsasında Kiyevə əlavə yardım ayrılmasına qarşı çıxıb.
AZƏRTAC xəbər verir ki, Prezident Cozef Baydenin sorğusuna qarşı çıxan respublikaçıların arasında ABŞ Konqresinin Nümayəndələr palatasının üzvü Marcori Teylor-Qrin, konqresmen Pol Qosar və senator Ceyms Devid Vens də var.
Bir müddət öncə ABŞ Prezidenti Cozef Bayden Ukrayna və İsrailə təxminən 106 milyard dollar həcmində əlavə yardım göstərilməsi ilə bağlı Konqresə sorğu göndərib. Ağ evin sorğusunda 2024-cü maliyyə ilində Ukraynaya 61,4 milyard dollar, İsrailə isə 14,3 milyard dollar vəsait ayrılması təklif olunur.
Son vaxtlar Respublikaçılar Partiyasından olan amerikalı qanunvericilərin əksəriyyəti Kiyevə mütəmadi olaraq iri maliyyə yardımlarının göstərilməsini nəzərdə tutan hər hansı yeni təşəbbüsü dəstəkləməkdən imtina edir. Eyni zamanda, respublikaçıların bəziləri Yaxın Şərqdə münaqişənin gərginləşməsi fonunda Ukrayna üçün nəzərdə tutulan hərbi yardımın İsrailə yönəldilməsini vacib sayır.