Bir sıra bəyannamələrin tərtib olunması qaydaları təsdiq edilib
Bakı, 15 may, AZƏRTAC
Vergi Məcəlləsinə əlavə və dəyişikliklərlə əlaqədar İqtisadiyyat Nazirliyi yanında Dövlət Vergi Xidməti tərəfindən bəzi bəyannamə formaları, həmin bəyannamələrə əlavələrin formaları və tərtib olunması qaydalarında müvafiq dəyişikliklər təsdiq edilib.
AZƏRTAC Dövlət Vergi Xidmətinə istinadla xəbər verir ki, sözügedən dəyişikliklərə - yeni bəyannamə formalarına “Əlavə dəyər vergisinin bəyannaməsinə Əlavə №5”in forması və onun tərtib edilməsi Qaydası, “Mənfəət vergisinin bəyannaməsinə Əlavə №5”in forması və onun və tərtib edilməsi Qaydası, “Gəlir vergisi bəyannaməsinə Əlavə №3”ün forması və onun tərtib edilməsi Qaydası, “Sadələşdirilmiş verginin bəyannaməsi”nin forması və tərtib edilməsi Qaydası və “Ödəmə mənbəyində tutulan vergi bəyannaməsi” və onun tərtib edilməsi Qaydası daxildir.
Həmçinin müvafiq bəyannamələrin formaları və tərtib edilməsi qaydaları haqqında ötən illərdə təsdiqlənmiş sənədlər ləğv olunub.
Bəyannamə (hesabat) formaları və doldurulma qaydaları ilə https://www.taxes.gov.az/az/ -hesabat-ve-qerarlar linki vasitəsilə tanış olmaq mümkündür.
Bölmənin digər xəbərləri
