Birinci rübdə təkrar qeydiyyata alınan mülkiyyət hüquqlarının sayı 72 mini ötüb
Bakı, 29 aprel, AZƏRTAC
İqtisadiyyat Nazirliyi yanında Əmlak Məsələləri Dövlət Xidməti tərəfindən cari ilin yanvar-mart ayları ərzində daşınmaz əmlak üzərində 85 min 708 mülkiyyət hüququ qeydiyyata alınaraq çıxarışla təmin edilib.
AZƏRTAC Əmlak Məsələləri Dövlət Xidmətinə istinadla xəbər verir ki, qeydiyyata alınan mülkiyyət hüququnun 13 min 424-ü (15,7 faiz) ilkin, 72 min 284-ü isə (84,3 faiz) isə təkrar qeydiyyatın payına düşür.
2025-ci ilin ilk rübü ərzində fərdi yaşayış və bağ evi üzərində – 14 min 224, mənzil – 19 min 200, torpaq sahəsi – 49 min 386, qeyri-yaşayış binası – 709, qeyri-yaşayış sahəsi – 1991, əmlak kompleksi – 147, çoxmərtəbəli yaşayış binası - 48 və çoxillik əkmələr üzərində - 3 mülkiyyət hüququnun dövlət qeydiyyatı aparılıb. Bu dövrdə qeydiyyata alınan mülkiyyət hüquqlarının 20 min 746-sı Bakının, qalan hissəsi isə bölgələrin payına düşür.
Bu ilin yanvar-mart ayları ərzində 60 min 412 texniki pasport tərtib edilib, 14 min 444 ipoteka müqaviləsi qeydiyyata alınıb.
Bölmənin digər xəbərləri
