Birləşmiş Ərəb Əmirlikləri koronavirusu aşkar etmək üçün hazırladığı sürətli texnologiyanı təkmilləşdirir
Bakı, 20 may, AZƏRTAC
Qiymətli Kağızlar Bazarında siyahıya alınan Beynəlxalq Holdinq Şirkətinin tibbi tədqiqat qolu olan “QuantLase Imaging” laboratoriyası müayinələr dairəsinin görünməmiş şəkildə genişləndirilməsinə, saniyələr ərzində yüksəksürətli qrup müayinələrini həyata keçirməyə imkan verən yeni bir vasitə hazırladığını elan edib.
Dünya alimlərinin koronavirusa yoluxma şübhəsi olanları və yoluxmadan əvvəl potensial daşıyıcıları müəyyənləşdirmək üçün daha sürətli bir test üsulu hazırlamaq istədikləri bir vaxtda bu texnologiya Birləşmiş Ərəb Əmirliklərinin (BƏƏ) tədqiqat və innovasiya mərkəzi kimi mövqeyini gücləndirəcək. Həmin texnologiya mütəxəssislərə geniş miqyasda araşdırmalar aparmağa imkan verəcək, işçi qüvvəsində hadisələrin izlənilməsi və xəstəliklərin yayılmasının qarşısını almaq imkanlarını artıracaq.
Bu barədə AZƏRTAC-a Birləşmiş Ərəb Əmirliklərinin Azərbaycandakı səfirliyindən məlumat verilib.
BƏƏ-nin Səhiyyə və Sosial Müdafiə naziri Əbdül Rəhman bin Muhammed Əl-Ovais, bu kəşflə bağlı nikbin fikirlər ifadə edərək deyib: “Biz hər zaman COVID-19-un erkən və sürətli aşkarlanması ilə əlaqədar yenilikləri izləyirik. Hökumət BƏƏ-də səhiyyə sisteminə kömək edən təşəbbüsləri dəstəkləməyə can atır. Səhiyyə işçiləri bu cihaz üzərində “QuantLase” ilə həyata keçirilən sınaqların gedişatını yaxından izləyirlər. İşlək və xalqımızı daha yaxşı qorumağa kömək edəcək bir texnologiyanı görməkdən qürur duyuruq”.
Son bir neçə ay ərzində araşdırma aparan və analiz edən laboratoriyadakı tədqiqatçılar qrupunun rəhbəri doktor Prumad Kumar virusa yoluxmuş qan hüceyrələrinin quruluşundakı dəyişikliklərin, elektron mikroskopdan istifadə edən vasitənin (CMOS) testlərin kütləvi miqyasda aparılmasına və nəticələrin saniyə ərzində verilməsinə imkan verəcəyini bildirib: “Əslində, optik fazanın daxil edilməsinə əsaslanan lazerəsaslı DPI texnologiyası istifadəsi asan olmaqla yanaşı, cərrahi deyil, ucuz qiymətə malikdir və saniyələr içində virusu təsbit edə bilər. Cihaz xəstəxana və ictimai yerlərdə, məsələn, kinoteatr və ticarət mərkəzlərində istifadə edilə bilər. Bu vasitənin koronavirusun yayılmasında ən böyük paradiqma dəyişikliyi olacağını düşünürük”.
Süni intellektin diaqnostik sistemdəki vacib rolunu izah edən P.Kumar inkişaf etmiş görüntü analiz modelinin hər görüntünün nəticəsini dəqiqlik, sürət və miqyasla proqnozlaşdıracağını vurğulayıb. Bu, çoxsaylı görüntünün dəqiqliyi və səmərəliliyi ilə təhlil edilməli olan genişmiqyaslı test proqramlarında xüsusilə vacibdir. Laboratoriya lazer proqramını daha da inkişaf etdirmək üçün aparıcı süni intellekt və bulud hesablamaları şirkəti olan G42-dən istifadə edir.
Həmin ixtiranı şərh edən Beynəlxalq Holdinq Şirkətinin Direktorlar Şurasının üzvü Nader Ahmed Al Hammadi deyir: “Beynəlxalq Holdinq Şirkəti, BƏƏ rəhbərliyində COVID-19 virusunun yayılmasına qarşı aparılan yaradıcı səylərə, xüsusilə test və məlumatlılığın artırılması ilə bağlı verdiyi töhfədəki roluna görə qürur duyur”.
P.Kumar testlərin gedişatını izah edərək: “1000 nəfərin iştirak etdiyi ilk mərhələdə biz sınaqlara bəzi düzəlişlər etdik, sonra testlərin qalan mərhələlərində onları tətbiq etdik. Proses bir neçə mərhələdə icra olunub və hamısı səhiyyə işlərinə cavabdeh olan qurumların birbaşa koordinasiyasından keçib”.
Ümumdünya Səhiyyə Təşkilatı COVID-19-u mart ayında qlobal pandemiya elan etməsindən bəri elm adamları bir tərəfdən diaqnoz üçün lazım olan vaxtı azaldan bir üsul inkişaf etdirməyə çalışıb və digər tərəfdən həkimlər xəstələrə diqqəti yönəldə biliblər. Cari müayinələrin diaqnostik müddəti bir neçə saatdan çoxdur.
Doktor Kumar bu mövzuda laboratoriyanın bir neçə ay ərzində bu məhsulu bazara təqdim edə biləcəyinə ümid etdiyini bildirir. Onun sözlərinə görə, virus qan hüceyrələrinə yoluxduqdan sonra DPI texnologiyası onu aşkarlaya bilər. Məqsəd nəticələrdə maksimum dəqiqlik əldə etməkdir.
Elmi tədqiqatların aparılması və insanların rifahına nail olmağa yönəlmiş elmi yeniliklər və ixtiraların təşviqi Birləşmiş Ərəb Əmirlikləri hökuməti tərəfindən iki il əvvəl fevral ayında elan edilmiş qabaqcıl innovasiya üçün milli strategiyanın ən önəmli sütunlarından biridir. Strategiya beynəlxalq təşkilatlar və innovasiya sahəsində ixtisaslaşmış aparıcı beynəlxalq şirkətlərlə əməkdaşlığı təşviq edir.
Bölmənin digər xəbərləri
