Birləşmiş Ərəb Əmirlikləri təbii fəlakətin nəticələrinin aradan qaldırılması üçün Türkiyəyə maliyyə yardımı ayırıb
Qahirə, 3 noyabr, AZƏRTAC
Birləşmiş Ərəb Əmirlikləri (BƏƏ) Türkiyənin təbii fəlakət zonalarında bərpa işləri üçün 10 milyon dollar məbləğində maliyyə yardımı ayırıb.
AZƏRTAC “Emirates” agentliyinə istinadla xəbər verir ki, BƏƏ hökuməti cari ilin iyul-avqust aylarında Türkiyədə baş vermiş meşə yanğınları, həmçinin sel və daşqınların törətdiyi fəsadların aradan qaldırılması işlərinə maliyyə dəstəyi verəcək. Bununla əlaqədar Əbu-Dabinin vəliəhdi Şeyx Məhəmməd bin Zayed Əl Nəhyan sərəncam imzalayıb. BƏƏ, eyni zamanda, dost Türkiyə xalqı ilə həmrəyliyini ifadə edib və ən çətin anlarda köməyini əsirgəməyəcəyini açıqlayıb.
Oqtay Bayramov
AZƏRTAC-ın xüsusi müxbiri
Qahirə
Bölmənin digər xəbərləri
