Birləşmiş Ərəb Əmirliklərində beynəlxalq müdafiə sərgisi keçirilir
Bakı, 18 fevral, AZƏRTAC
Birləşmiş Ərəb Əmirliklərinin (BƏƏ) paytaxtında dəniz müdafiəsi və dəniz təhlükəsizliyi sərgisi ilə yanaşı, beynəlxalq müdafiə sərgisi keçirilir.
AZƏRTAC xəbər verir ki, tədbirdə beynəlxalq sülh və təhlükəsizliyin təşviqinə yönəlmiş ən son müdafiə texnologiyaları və həllərini nümayiş etdirmək üçün 65 ölkədən 1565 müdafiə şirkəti iştirak edib. Builki sərginin sahəsi daha da genişlənərək, ona yeddi yeni ölkə və 731 yeni şirkət cəlb olunub.
BƏƏ rəhbərliyi bildirib ki, sərgi qlobal təhlükəsizlikdə irəliləyişə nail olmaq üçün dünya üzrə yüksəksəviyyəli müəssisələri və ekspertləri cəlb edən qlobal müdafiə sənayesi üçün mühüm platformaya çevrilib.
Tədbir fevralın 21-dək davam edəcək və sərgi ilə yanaşı kibertəhlükəsizlik, kosmik təhlükəsizlik, süni intellekt və müasir müdafiə kimi əsas mövzularda konfransların keçirilməsi planlaşdırılır.
Bölmənin digər xəbərləri
