Birləşmiş Ərəb Əmirliklərində yeniyetmələr arasında şahmat üzrə dünya çempionatları keçiriləcəkdir
Bakı, 31 oktyabr (AZƏRTAC). Dekabrın 18-dən 28-dək Əl-Əyndə (BƏƏ) 8, 10, 12, 14, 16 və 18 yaşlı oğlan və qızlar arasında dünya çempionatı keçiriləcəkdir. Yarışlarda 95 ölkədən 1640 uşaq iştirak edəcəkdir.
AZƏRTAC xəbər verir ki, yarışlarda Azərbaycan idmanının şərəfini Bakıdan və regionlardan 45 idmançı qoruyacaqdır. Turnirin iştirakçıları arasında Nicat Abbasov, Ülvi Bacarani, Murad Nuri, Səbinə İbrahimova, Elxan Bayramov, Günay Məmmədzadə, Abdulla Qədimbəyli, İsmayıl Şahəliyev, Nərmin Məmmədova, Aydan Höcətova, Nərmin Söyünlü, Vüqar Əsədli, Zaur Abbasov və başqaları ən yüksək reytinq əmsallarına malikdirlər.
Yarışda şahmatçılarımızın əsas rəqibləri Rusiya, Ukrayna, Türkiyə və ABŞ idmançıların olacaqlar.
Bölmənin digər xəbərləri
