“Biznesin incəlikləri” layihəsi yekunlaşıb
Bakı, 2 dekabr, AZƏRTAC
İqtisadiyyat Nazirliyinin Sahibkarlığın İnkişafı Fondunun və “Bank Respublika”nın regionlarda fəaliyyət göstərən qadın sahibkarlar üçün birgə həyata keçirdiyi “Biznesin incəlikləri” layihəsi yekunlaşıb.
Fonddan AZƏRTAC-a bildirilib ki, layihə ilə bağlı sonuncu görüş Gəncə şəhərində keçirilib. Sahibkarlığın İnkişafı Fondunun sədri Osman Xaliyev və “Bank Respublika” İdarə Heyətinin sədri Tariyel İsmayılov çıxış edərək, qadınların sahibkarlığın inkişafındakı rolunu vurğulayıblar. Tədbir iştirakçılarına qadınların sahibkarlıq fəaliyyətlərinə dəstək verilməsi istiqamətində görülən işlər haqqında məlumat verilib.
Qeyd edək ki, oktyabr və noyabr aylarında həyata keçirilən layihə çərçivəsində Xaçmaz, Masallı, Şəki və Gəncə şəhərlərində təşkil edilən təlimlərdə qadın sahibkarlar güzəştli kreditlər, ilkin kapital mənbələri, gəlir və xərclər, reklam, vergi qanunvericiliyi və biznesin hüquqi əsasları kimi mövzularda məlumatlandırılıblar.
Bölmənin digər xəbərləri
