Bloomberg: Misirdə ilin sonunadək prezident seçkiləri keçirilə bilər
Bakı, 14 sentyabr, AZƏRTAC
Misir 2023-cü ilin sonunadək prezident seçkilərinin keçirilməsi imkanlarını araşdırır.
AZƏRTAC xəbər verir ki, Bloomberg agentliyinin məlumatına görə, prezident seçkilərində iştirak edəcək namizədlərin qeydiyyatı oktyabrda, səsvermə isə dekabrın əvvəlində baş tuta bilər.
Misirin səlahiyyət müddəti 2014-cü ildə bitəcək hazırkı Prezidenti Əbdülfəttah Əs-Sisi hələlik növbəti seçkilərdə iştirakını rəsmən təsdiqləməyib.
Qeyd edək ki, 2014-cü ildə hakimiyyətə gələn Əbdülfəttah Əs-Sisi 2019-cu ildə bir dəfə seçilmək barədə məhdudiyyəti saxlamaqla, prezidentlik müddətinin dörd ildən altı ilədək uzadılmasını nəzərdə tutan dəyişikliyi qəbul edib. Eyni zamanda, ölkədə prezidentin səlahiyyətini 2024-cü ilə qədər uzadan və Əs-Sisiyə üçüncü dəfə dövlət başçısı seçilməyə imkan verən “keçid maddəsi” də qəbul olunub. Bundan başqa, dəyişikliklər dövlət başçısının səlahiyyətlərini xeyli genişləndirib və prezidentə Ali Konstitusiya Məhkəməsi də daxil olmaqla, hakimləri və Baş prokuroru seçmək hüququ verib.
Bölmənin digər xəbərləri
