“Boccia idman növü üzrə Heydər Əliyev turniri”nin qalibləri mükafatlandırılıblar
Bakı, 18 mart, AZƏRTAC
Azərbaycan Boccia İdman Federasiyasının təşkilatçılığı ilə “Boccia idman növü üzrə Heydər Əliyev turniri” keçirilib.
AZƏRTAC xəbər verir ki, Bakı İdman Sarayında keçirilən turnirin final mərhələsinin qalibləri kubok, medal və hədiyyələr ilə mükafatlandırılıblar.
Qeyd edək ki, turnir martın 6-da Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin Əlilliyi olan şəxslərin Peşə-əmək Reabilitasiyası Mərkəzində start götürüb.
Turnirdə əlil arabasında mübarizə aparan 80-ə yaxın əlilliyi olan şəxs finala qədər mərhələni başa vurub.
İdmançılar qızlar və oğlanlar olmaqla beş kateqoriyada və uşaq kateqoriyasında yarışıblar. Çempionat beynəlxalq Boccia təşkilatı “BİSFED” qanunlarına əsasən təşkil olunub.
Bölmənin digər xəbərləri
