Boliviyanın keçmiş prezidenti barəsində həbs qərarı çıxarılıb
Bakı, 12 may, AZƏRTAC
Boliviyanın Tarixa departamentindəki məhkəmə keçmiş prezident Evo Morales barəsində insan alveri işi üzrə həbs qərarı çıxarıb.
AZƏRTAC xəbər verir ki, bu barədə “El Deber” məlumat yayıb.
Məhkəmə qərarı Moralesin mayın 11-də keçirilən dinləməyə qatılmamasından sonra verilib. İş üzrə digər təqsirləndirilən şəxslər də məhkəməyə gəlməyiblər.
2024-cü ilin dekabrında prokurorluq Moralesə qarşı insan alveri ittihamı irəli sürüb. Keçmiş prezident ittihamları rədd edir və bunu siyasi təqib adlandırır.
Bölmənin digər xəbərləri
