Bolqarıstanda koronavirusa yoluxma halları artmaqda davam edir
Sofiya, 3 noyabr, AZƏRTAC
Son 24 saat ərzində Bolqarıstanda 9 min 795 PCR testi və 35 min 19 koronavirusa qarşı antigen testi aparılıb, onlardan 5 min 863-ü pozitiv olub.
AZƏRTAC Bolqarıstan Milli İnformasiya Sisteminin məlumatına istinadla xəbər verir ki, ölkədə koronavirusa yoluxanların ümumi sayı 614 min 362 nəfərə yüksəlib, onlardan 105 min 543 nəfəri aktiv xəstədir.
Ölkənin xəstəxanalarına 8 min 149 nəfər koronavirusa yoluxmuş şəxs yerləşdirilib, onlardan 696-sı reanimasiyadadır.
Son sutka ərzində 2 min 587 nəfər koronavirusdan sağalıb. Ümumi sağalanların sayı 484 min 365 nəfərə, ölənlərin sayı isə 24 min 454 nəfərə çatıb. Bu günədək 2 milyon 893 min 502 nəfər peyvənd olunub.
İqbal Hacıyev
AZƏRTAC-ın xüsusi müxbiri
Sofiya
Bölmənin digər xəbərləri
