Boris Conson COVID-19 ilə bağlı ictimai araşdırmada ifadə verib
London, 21 oktyabr, AZƏRTAC
Böyük Britaniyanın sabiq Baş naziri Boris Conson COVID-19 pandemiyasının gənclərə təsiri ilə bağlı ictimai araşdırmada ifadə verib.
AZƏRTAC xəbər verir ki, B.Conson məktəblərin 2020-ci ilin martında bağlanmasını dəhşətli qərar və şəxsi kabus adlandıraraq, bu addımın qaçılmaz göründüyünü bildirib. O etiraf edib ki, uşaqlar cəmiyyətin digər üzvlərini qorumaq üçün böyük bir bədəl ödəyiblər. Sabiq Baş nazir 2020-ci ildə imtahan qiymətlərini müəyyən edən alqoritmin uğursuzluğunu da qəbul edib, lakin çox çətin şəraitdə improvizasiya etdiklərini vurğulayıb.
O, imtahan nəticələri ilə bağlı yaranan xaosun Təhsil Nazirliyi üçün dəhşətli vəziyyət olduğunu, lakin komandanın əlindən gələni etdiyini bildirib. O, sistemin uğursuzluğunun həmin dövrdəki çətin şəraitin nəticəsi olduğunu da deyib.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
