Bosniya və Herseqovinada daşqın bölgələrində yerli seçkilər keçirilib
Sarayevo, 20 oktyabr, AZƏRTAC
Bosniya və Herseqovinada oktyabrın 6-dakı yerli seçkilərin sel və daşqın səbəbindən təxirə salındığı 4 bələdiyyədə bu gün seçkilər keçirilib.
AZƏRTAC xəbər verir ki, Kiselyak, Kresevo, Foynitsa və Konyiç bələdiyyələrində 54 min 379 seçici yerli idarəetmə orqanlarının rəhbərlərini müəyyən etmək üçün səs verib.
Bosniya və Herseqovina Mərkəzi Seçki Komissiyası daşqınlar səbəbindən təxliyə edilən vətəndaşlar üçün də seçki məntəqələrinin yaradıldığını açıqlayıb.
Xatırladaq ki, Bosniya və Herseqovinada oktyabrın 4-də baş vermiş sel və daşqınlar 27 nəfərin ölümünə səbəb olub.
Nihad Budaqov
AZƏRTAC-ın xüsusi müxbiri
Sarayevo
Bölmənin digər xəbərləri
