Böyük Britaniya və Avropa İttifaqı arasında yeni strateji tərəfdaşlıq razılaşması imzalanacaq
London, 29 aprel, AZƏRTAC
Böyük Britaniya və Avropa İttifaqı (Aİ) yeni strateji tərəfdaşlıq razılaşması imzalamağa hazırlaşır. Sənədin mayın 19-da keçiriləcək Böyük Britaniya-Aİ sammitində imzalanması planlaşdırılır.
AZƏRTAC “Reuters”ə istinadla xəbər verir ki, bu razılaşma tərəflər arasında müdafiə, təhlükəsizlik və ticarət sahələrində əməkdaşlığın gücləndirilməsini, eləcə də Ukraynaya dəstək və beynəlxalq sabitlik məsələlərində birgə mövqedən çıxış edilməsini nəzərdə tutur. Həmçinin Böyük Britaniya və Aİ-nin Paris İqlim Sazişinin məqsədlərinə sadiq qalacağı və iqlim dəyişikliyi ilə mübarizədə birgə fəaliyyət göstərəcəkləri bildiriləcək. Bundan əlavə, tərəflər arasında 18-30 yaş arasındakı gənclərlə bağlı təcrübə proqramının həyata keçirilməsi planlaşdırılır. Proqramın məqsədi gənclər arasında mədəni və peşəkar təcrübə mübadiləsini təşviq etməkdir.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
