BÖYÜK BRİTANİYA XVII ƏSRDƏ BATMIŞ GƏMİDƏKİ QIZILA İDDİA EDİR
İTAR-TASS-ın yaydığı xəbərə görə, Böyük Britaniyanın Müdafiə Nazirliyi XVII əsrdə Cəbəlüttariq yaxınlığında qəzaya uğramış İngiltərə gəmisinin qalıqlarını tədqiq etməyə icazə almaq üçün İspaniya hökumətinə müraciət etmişdir. Həmin gəmidə 10 ton qızıl və 100 ton gümüş aparırmışlar.
Birləşmiş Krallığın Müdafiə Nazirliyinin nümayəndəsi demişdir: “Gəmi Britaniya millətinə məxsusdur və onun qalıqlarının taleyi barədə İspaniya tərəfi ilə danışıqlar aparılır. Biz əminik ki, razılığa gələcəyik”.
80 topla silahlanmış “Sasseks” freqatı 1694-cü ildə İspaniyanın ərazi sularında batmışdır. Gəmi dənizin min metr dərinliyindədir. Gəminin o vaxt Fransaya apardığı qiymətli metalların dəyərinin 2,9 milyard dollar olduğu bildirilir.
Bölmənin digər xəbərləri
