Böyük Britaniyada koronavirusun Hindistan ştamına yoluxma artmaqda davam edir
London, 5 iyul, AZƏRTAC
Böyük Britaniyada koronavirusun Hindistan ştamına (Delta variantına) yoluxma artmaqda davam edir.
AZƏRTAC xəbər verir ki, ölkədə son 24 saat ərzində 24 min 248 nəfər koronavirusa yoluxub, 18 nəfər isə həyatını itirib.
Bununla bərabər, əmlak naziri Robert Jenrik COVID-19 ilə əlaqəli yeni tətbiqetmələrin iyulun 19-da açıqlanacağını və artıq maska taxmağın seçim olacağını bildirib.
Nazir ölkədə COVID-19-a qarşı sürətləndirilmiş peyvənd kampaniyası başa çatdıqdan sonra qapalı və ya açıq ərazilərdə maska taxma öhdəliyinin qaldırılacağını söyləyib.
Qeyd edək ki, ölkədə 33 milyon nəfərə peyvəndin 2 dozası, 44 milyon nəfərə isə 1 dozası vurulub.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
