Böyük Britaniyada peyvənd kampaniyası sürətləndirilib
London, 18 yanvar, AZƏRTAC
Böyük Britaniyada dekabr ayının ortalarından başlanılan peyvənd kampaniyası sürətləndirilib.
Belə ki, bəzi xəstəxanalarda günün 24 saatı və həftənin hər günü peyvənd olunmaq mümkün olacaq. Bu proses 10 gün müddətində sınaqdan keçiriləcək.
Həmçinin hökumət tərəfindən koronavirus pandemiyası ilə mübarizə çərçivəsində dəqiqədə orta hesabla 140 nəfərin peyvənd olunduğu açıqlanıb.
Milli Səhiyyə Xidmətinin (NHS) nümayəndəsi Simon Stivens peyvəndin sürətinə və müvəffəqiyyətinə baxmayaraq, ölkədə hər dəqiqə aşkarlanan virusa yoluxma sayının daha çox olduğunu söyləyib.
Qeyd edək ki , indiyə qədər ölkədə peyvənd olunmuş insanların sayı 3,8 milyona çatıb.
Aynurə Tağıyeva
AZƏRTAC-ın xüsusi müxbiri
London
Bölmənin digər xəbərləri
