“Böyük dəbilqə”: Cüdoçumuz Orxan Səfərov bürünc medal uğrunda mübarizə aparacaq
Bakı, 23 oktyabr, AZƏRTAC
Macarıstanın paytaxtı Budapeştdə cüdo üzrə “Böyük dəbilqə” turniri davam edir.
AZƏRTAC xəbər verir ki, cüdoçularımızdan Orxan Səfərov (66 kq) niderlandlı İvo Verhorstert, gürcüstanlı Baqrati Naniaşvili, monqolustanlı Erhembayar Battoqtoha qalib gəlsə də, yarımfinalda rusiyalı Yakob Şamilova uduzub. Cüdoçumuz bürünc medal uğrunda görüşdə özbəkistanlı Sardor Nurillayevlə mübarizə aparacaq.
Qeyd edək ki, 80 ölkədən 624 cüdoçunun iştirak etdiyi turnirə Azərbaycan 17 cüdoçu ilə qatılıb. Yarış Tokio Olimpiadasına reytinq xalları qazandırır.
Bölmənin digər xəbərləri
