BÖYÜK ŞAİRİN YUBİLEYİ QEYD OLUNMUŞDUR

27.05.2006 [20:10]
Çap et
A⁺ A^-

AZƏRTAC xəbər verir ki, Sumqayıt Dövlət Universitetində xalq şairi Səməd Vurğunun anadan olmasının 100 illiyi ilə əlaqədar yubiley tədbiri keçirilmişdir.

Universitetin rektoru, professor Nadir Qəhrəmanov bildirmişdir ki, Prezident İlham Əliyevin 2006-cı il 6 fevral tarixli Sərəncamı ilə böyük xalq şairi S.Vurğunun anadan olmasının 100 illik yubileyi respublikamızın hər yerində təntənə ilə qeyd olunur. Bu, dövlət başçımızın söz-sənət adamlarına qayğısının parlaq təzahürüdür.

Tədbirdə “Səməd Vurğun və folklor”, “Səməd Vurğunun dramlarında idiomatik ifadələr”, “Səməd Vurğun şəxsiyyəti” mövzularında çıxışlar dinlənilmişdir.

Yubiley mərasimində universitetin Azərbaycan ədəbiyyatı kafedrasının Tələbə Gənclər Təşkilatı ilə birlikdə keçirdikləri şeir müsabiqəsi qaliblərinə mükafatlar təqdim edilmişdir.

Tədbirin sonunda universitet tələbələrinin ifasında Səməd Vurğunun əsərləri əsasında ədəbi-bədii kompozisiya göstərilmişdir.