Braziliyada koronavirusa yoluxma hallarında kəskin artım müşahidə edilir
Bakı, 25 iyul, AZƏRTAC
Braziliyada iyulun 24-də koronavirusa 58 min 249 yoluxma halı qeydə alınıb.
AZƏRTAC pandemiyanın statistikasını aparan Worldometer saytına istinadla xəbər verir ki, ölkədə bu göstərici ardıcıl olaraq üçüncü gündür kəskin artır. İyulun 23-də ölkədə 58 min 80 nəfər koronavirusa yoluxmuşdu.
Həmçinin son sutka ərzində 1176 nəfər COVID-19 infeksiyası səbəbindən həyatını itirib.
Saytın Bakı vaxtı ilə bu gün saat 13:20-yə olan məlumatına əsasən, Braziliyada 2 milyon 348 min 200 nəfər koronavirusa yoluxub, onlardan 85 min 385 nəfəri vəfat edib, 1 milyon 592 min 281 xəstə isə sağalıb. Müalicəsi davam edən 670 min 534 nəfərdən 8 min 318-nin vəziyyəti ağır qiymətləndirilir. Ölkədə hər 100 min insana 1115 koronavirus xəstəsi və 40 ölüm halı düşür. COVID-19 infeksiyasından sağalanlara nisbətdə ölənlərin sayı 5,09 faizdir.
Hazırda dünyada koronavirus infeksiyasına 15 milyon 961 mindən çox yoluxma və 643 min 118 ölüm faktı qeydə alınıb. Eyni zamanda, yoluxanların 9 milyon 757 min nəfəri sağalıb, müalicəsi davam edən 5 milyon 560 min 962 xəstədən 66 min 262-nin vəziyyəti ağır olaraq qalır.
Bölmənin digər xəbərləri
