BRİTANİYA VƏ AZƏRBAYCAN SAHİBKARLARININ ƏMƏKDAŞLIĞI GENİŞLƏNİR
İngiltərə sahibkarlarının Bakıya fevralın 15-də başa çatmış səfəri dünyanın inkişaf etmiş ölkələrinin iri şirkətlərinin Azərbaycan iqtisadiyyatına artmaqda olan marağını bir daha sübut etdi.
Britaniya biznesinin beynəlxalq əlaqələri ilə məşğul olan “Trade Partners” dövlət şirkəti tərəfindən təşkil olunmuş bu səfər zamanı Böyük Britaniya Ticarət-Sənaye Palatasının beynəlxalq əlaqələr şöbəsinin meneceri Reys Stilin başçılıq etdiyi nümayəndə heyətinin üzvləri Azərbaycan Ticarət və Sənaye Palatasının, Milli Sahibkarlar (işverənlər) Konfederasiyasının nümayəndələri ilə görüşmüşlər. Ölkəmizin iqtisadiyyatı barədə kifayət qədər məlumata malik olan 11 Britaniya şirkətinin nümayəndələri qeyri-neft sektorunda əməkdaşlığa xüsusi diqqət yetirmişlər. Azərbaycan biznesinin nümayəndələri ilə yaxın vaxtlarda ətraf mühitin qorunması, səhiyyə və informasiya-kommunikasiya texnologiyaları sahələrində əməkdaşlıq üzrə konkret perspektiv layihələr barədə görüşlər keçirmək qərara alınmışdır.
Xatırladaq ki, hazırda Azərbaycanda Britaniyanın 100-ə yaxın şirkəti fəaliyyəi göstərir və onlar ölkəmizin iqtisadiyyatına 1 milyard dollardan artıq sərmayə qoymuşlar.
Bölmənin digər xəbərləri
