Britaniyalı məşhur aktrisa Coan Plouyt vəfat edib
London, 17 yanvar, AZƏRTAC
Böyük Britaniyanın tanınmış teatr və ekran ulduzlarından biri, görkəmli aktyor Lourens Olivyenin həyat yoldaşı Coan Plouyt 95 yaşında dünyasını dəyişib.
AZƏRTAC xəbər verir ki, aktrisanın 60 illik yaradıcılıq fəaliyyəti ərzində bir çox uğurlar qazanıb, o cümlədən 1991-ci ildə “Enchanted April” filmi ilə “Oskar” mükafatına namizəd göstərilib.
Ailəsi verdiyi bəyanatda Coanın gördüyü işlərlə və onun mehriban xasiyyəti ilə qürur duyduqlarını deyib.
Aytən Abbaslı
AZƏRTAC-ın xüsusi müxbiri
London
Bölmənin digər xəbərləri
