Brüsseldə musiqiçilər metroda çıxış etmək üçün hökmən müsabiqədən keçməlidirlər
Brüssel, 3 iyun, AZƏRTAC
Brüsselin Şəhər Nəqliyyatı Departamenti metroda (həm vaqonlarda, həm də platformalarda) və yeraltı keçidlərdə çıxış etmək hüququna iddia edən musiqiçilərin dinləmələrini keçirir.
AZƏRTAC xəbər verir ki, lisenziyalar yalnız peşəkar münsiflər heyəti üzvlərindən yüksək bal alan musiqiçilərə veriləcək. Departamentdə bildiriblər ki, bundan məqsəd metro ərazisində ifaçılıq standartlarının yüksək səviyyədə dəstəklənməsidir.
Qeyd etmək lazımdır ki, müsabiqə kifayət qədər ciddi olacaq: bir yer üçün təqribən 40 namizəd iddialıdır.
Pərvanə Qarayeva
AZƏRTAC-ın xüsusi müxbiri
Brüssel
Bölmənin digər xəbərləri
